O‘zbekistonda kichik mehmonxonalar qurish bo‘yicha qaror loyihasi tayyorlandi

“O‘zbekiston Respublikasida mehmonxona biznesini jadal rivojlantirish bo‘yicha qo‘shimcha chora-tadbirlari to‘g‘risida”gi hukumat qarori loyihasi umumiy muhokamaga qo‘yildi. Bu haqda Sputnik xabar bermoqda.

Ushbu qaror loyihasi Turizmni rivojlantirish qo‘mitasi tomonidan tayyorlangan.

Unda viloyatlarning turizm salohiyatidan foydalanish samaradorligini yanada oshirish, mehmonxona xizmatlarini kengaytirish va sifatini yaxshilash oshirish, mehmonxona sektoriga investitsiyalarni jalb qilish maqsadida qator vazifalar belgilangan.

Shuningdek, qaror loyihasida birinchi va ikkinchi bosqichda, ya’ni 2018—2022-yillarda kichik mehmonxonalar quriladigan tuman va shaharlar ro‘yxati berilgan.