Turizm qo‘mitasi turoperatorlar va mehmonxonalar faoliyatini ortiq tekshirmaydi

Turizmni rivojlantirish davlat qo‘mitasi turoperatorlik va mehmonxona xo‘jaliklari sohasidagi kompaniyalarni ortiq tekshirmaydi. Bu haqda Prezident qarorida so‘z yuritiladi, deb yozadi Spot.

“Tadbirkorlik subyektlarining huquqlari va qonuniy manfaatlarini himoya qilish tizimini yanada takomillashtirish chora-tadbirlari to‘g‘risida”gi qarorda mazkur nazorat funksiyasi Xususiy turistik tashkilotlar assotsiatsiyasi va turizm sohasidagi boshqa jamoat birlashmalariga beriladi. Profilaktik ishlar, qolaversa, turizm sohasida sertifikatsiyalash xizmatlari Turizm qo‘mitasi zimmasida qoladi.

Bundan tashqari, endilikda poligrafiya kompaniyalari faoliyatini tekshirish bilan IIV emas, O‘zbekiston matbuot va axborot agentligi shug‘ullanadi. Profilaktika ishlari vazirlik zimmasida qoladi.