» » Mehnat vazirligi majburiy mehnatga jalb qilganlik uchun jarimalarni oshirishni taklif qildi

Mehnat vazirligi majburiy mehnatga jalb qilganlik uchun jarimalarni oshirishni taklif qildi


O‘zbekiston Bandlik va mehnat munosabatlari vazirligi mutaxassislari majburiy mehnatga jalb qilganlik uchun jarimalarni sezilarli darajada oshirishni ko‘zda tutuvchi hujjatni tayyorlamoqda. Bu haqda vazirlik matbuot xizmatiga tayanib, “Gazeta.uz” xabar qildi.

Ayni paytda mazkur qoidabuzarlik uchun jarima, Ma’muriy javobgarlik to‘g‘risidagi kodeksning 51-moddasiga ko‘ra, eng kam ish haqining 1 dan 3 barobarigachani tashkil etadi. Mehnat vazirligi ushbu miqdorni birinchi qonunbuzarlik holatida eng kam oylik ish haqining 25?50 barobari va takroriy holatda eng kam oylik ish haqining 50?100 barobari miqdorida oshirishni taklif etmoqda.

10-sentabrdan 27-sentabrgacha bo‘lgan oraliqda Bandlik va mehnat munosabatlari vazirligining ishonch tarmoqlariga paxta terimiga majburiy jalb qilish holati yuzasidan jami 410 ta murojaat kelib tushdi. Ulardan 228 tasi Davlat mehnat inspeksiyasi inspektorlari tomonidan ko‘rib chiqildi, 26 tasida qonunbuzarlik holati tasdiqlandi. 202 ta murojaatda paxta terimiga majburiy jalb qilish holati tasdiqlanmadi.

“Afsuski, joylarda holatni o‘rganish paytida murojaatchilar turli sabablar ta’sirida o‘z shikoyatlarini qaytarib olayotgani kuzatilmoqda. Paxta terimiga majburiy jalb qilish bo‘yicha tasdiqlanmagan holatlar yuzasidan qayta tekshiruv ishlari o‘tkazilmoqda”, — deyiladi vazirlik xabarida.

Xalqaro mehnat tashkiloti (XMT) vakillariga murojaatlar ma’lumot bazasiga kirish huquqi taqdim etildi.

Ijtimoiy tarmoqlarda keng muhokamaga sabab bo‘lgan Andijon viloyati Qo‘rg‘ontepa tumani Yoshlar ittifoqi faoli N.Mirzaqobulovning tumanda joylashgan 53 ta maktabdagi yoshlar tashkiloti faollarini paxta terimiga majburlash holati Andijon viloyati prokuraturasi va Davlat mehnat inspeksiyasining birgalikda olib borgan tekshiruv-tergov ishlari bilan yakunlandi. Majburlash holati bo‘yicha N.Mirzaqobulov ma’muriy javobgarlikka va Ma’muriy javobgarlik to‘g‘risidagi kodeksining 51-moddasiga muvofiq jarimaga tortildi.

10-sentabrdan buyon 26 ta holat bo‘yicha mansabdor shaxslar ma’muriy javobgarlikka tortildi.

Qonunbuzarlik sodir etgani uchun Davlat mehnat inspeksiyasi tomonidan O‘zbekiston Respublikasi Ma’muriy javobgarlik to‘g‘risidagi kodeksning 51-moddasi bo‘yicha quyidagi shaxslarga nisbatan eng kam oylik ish haqining 1 barobaridan 3 barobari miqdorida jarima pulini undirish to‘g‘risida qaror chiqarildi:

OAV ma’lumotlariga tayangan vazirlik ayrim hududlarda paxta terimi uchun pul mablag‘larini yig‘ish holatlari kuzatilayotganini ta’kidlab, paxta terimi uchun hech qanday pul yig‘imlari va qo‘shimcha soliqlar nazarda tutilmaganligini eslatib o‘tdi.

Shuningdek, paxta terimida qatnashish istagida bo‘lgan barcha fuqarolar +998712000602, @terimuzbot Telegram boti, shuningdek, terim.uz saytida ma’lumot qoldirishlari mumkinligini sanab o‘tdi. Joriy yilda paxta terimidan ishlab topilgan mablag‘lar soliqqa tortilmaydi.



Manba: Daryo.uz
Опубликовано: admin (28-09-2018, 21:27)
0 (голосов: 0)
Комментариев пока еще нет. Вы можете стать первым!

Добавить комментарий!


vote-iconОПРОС
Что нужно улучшить на нашем сайте?

КТО НА САЙТЕ?
( 122) ( 0) ( 119) ( 3)
Юзеры:
- отсутствуют
Гости:
Роботы:
Последние 20 посетителей... - отсутствуют