O‘zbekistonda Hindistonning Amiti universiteti filiali ochilishi mumkin

O‘zbekiston va Hindiston Toshkentda yetakchi hind oliy o‘quv yurtlaridan biri — Amiti universiteti (Amity University) filialini ochish imkoniyatini muhokama qilmoqda. Bu haqda “Podrobno.uz” xabar berdi.

Universitet Hindistonning xususiy notijorat oliy o‘quv yurti bo‘lib, bosh qarorgohi Noida shahrida joylashgan. Shuningdek, mamlakatdagi 11 shaharda kampuslari, Nyu-York, London, Dubay, Singapur, Xitoy va JARda filiallari bor.

Xalqaro reytinlarga ko‘ra, Amiti universiteti dunyoning eng nufuzli 1000, Osiyoning esa 300 oliy o‘quv yurti qatoriga kiradi. Unda 150 mingdan ortiq talaba tahsil oladi.