Misrda cherkovlardagi portlashlar sababli 17 kishi o‘lim jazosiga hukm qilindi

Misrda Iskandariya shahri harbiy sudi 2016—2017-yillarda xristian-koptlar cherkovlaridagi portlashlarda aybdor deb topilgan 17 kishini o‘lim jazosiga hukm qildi. Bu haqda 11-oktabr kuni “Sinxua” agentligi xabar berdi, deb yozadi “Korrespondent.net”.

Yana 19 nafar sudlanuvchi umrbod qamoq jazosi, 15 nafari — sakkiz yildan qamoq jazosiga hukm etildi.

Sud ma’lumotlariga ko‘ra, ayblanuvchilar 82 kishining o‘limida aybdor.

Hibsga olinganlar IShID terrorchilik guruhiga a’zolik, Misrda uning guruhlarini shakllantirish, cherkovlarda portlashlarni uyushtirishda qatnashish va amalga oshirishda ayblanmoqda.