O‘zbekistonda “Mahalla va nuroniylar haftaligi” boshlandi

Ommaviy sport musobaqalari O‘zbekistonning barcha tuman va shaharlariga, chekka-chekka qishloqlarigacha kirib borishini ta’minlash maqsadida joriy yilning 15-20-oktabr kunlari “Mahalla va nuroniylar haftaligi” deb e’lon qilindi. Bu haqda Jismoniy tarbiya va sport vazirligi matbuot xizmati xabar berdi.

Haftalik doirasida futbol, basketbol, voleybol, qo‘l to‘pi, yengil atletika kabi sport turlari bo‘yicha musobaqalar o‘tkazilishi boshlandi.

Shuningdek, “Otam, onam va men – sportchi oila” va milliy kurash sport turi bo‘yicha an’anaviy sport o‘yinlari tashkil etilishi rejalashtirilgan.

Nuroniylar uchun esa davolash gimnastikasi, sportcha yurish, yoga bo‘yicha mashg‘ulotlar va badminton, shaxmat, shashka, stol tennisi bo‘yicha musobaqalar o‘tkazilmoqda.