Bortida Melaniya Tramp bo‘lgan samolyot parvozdan 10 daqiqa o‘tib shoshilinch qo‘nishga majbur bo‘ldi

Bortida AQSh prezidenti Donald Trampning turmush o‘rtog‘i bo‘lgan yo‘lovchi samolyoti parvozdan 10 daqiqa o‘tib, shoshilinch qo‘nishga majbur bo‘ldi. Bu haqda “Vesti.ru” xabar bermoqda.

Mazkur reysda uchgan jurnalistlarga ko‘ra, samolyotda tutun ko‘tarilgan va ularga bu holat kuchaysa boshlarini yopish uchun ho‘l sochiqlar berilgan.

Layner Vashington yaqinidagi “Endryus” avibazasiga qo‘ndi. Hodisa tufayli hech kim jabrlanmadi.

Oq uy ushbu holatga kichik texnik nosozlik sabab bo‘lgani ehtimoli haqida bildirmoqda.