Qo‘rg‘ontepada giyohvandlik vositasini qonunga xilof ravishda sotayotgan oshpaz qo‘lga olindi

Joriy yilning 3-iyun kuni soat 15:00 larda Qo‘rg‘ontepa tuman IIB xodimlari tomonidan o‘tkazilgan tezkor tadbir davomida fuqaro Q.H. Qorasuv shahrida o‘zi ishlab kelayotgan oshxona yonida 2,5 gramm miqdordagi gashish giyohvandlik vositasini qonunga xilof ravishda sotayotgan vaqtda jinoyat ustida ushlandi. Bu haqda Qo‘rg‘ontepa tuman IIB tergov bo‘limi xabar bermoqda.

52 yoshni qarshilagan Q.H. tajribali va qo‘li shirin oshpaz sifatida dong taratgan.

U jinoyat ishlari bo‘yicha Qo‘rg‘ontepa tumani sudi tomonidan O‘zbekiston Respublikasi JKning 273-moddasining 5-qismi va 139-moddasi 2-qismi “a”, “g” bandlari bilan aybdor deb topildi. Unga nisbatan 7 yilu 6 oyga ozodlikdan mahrum qilish jazosi tayinlandi.