Foto: “Yashil xona”

The Growroom loyihasi Daniyadagi Space10 dizayn laboratoriyasi tomonidan IKEA savdo kompaniyasi ko‘magida ishlab chiqilgan. Loyiha “shahardagi qishloq xo‘jaligining ishonib bo‘lmaydigan imkoniyatlari”ni tadqiq qilish natijasi hisoblanadi. Bu haqda Boredpanda nashriga tayanib, TJournal xabar berdi.

Qurilma unda joylashtirilgan o‘simliklarning bir xilda yorug‘lik qabul qilishini ta’minlaydi. Qurilmani oddiy faner va vintlar yordamida yig‘ish mumkin. U bezak vositasi sifatida, shuningdek, “ayvoncha” sifatida ham xizmat qilishi munkin.

The Growroom yaratuvchilarining aytishicha, bu tipdagi dastlabki qurilma ommada katta qiziqish uyg‘otdi, ulardan qurilmani sotish so‘raldi. Biroq ular qo‘llanmani ochiq foydalanish uchun e’lon qilishni ma’qul topdi. Xohlovchilar The Growroom’ni o‘z qo‘llari bilan yasashi mumkin.

“Daryo”ning Telegram’dagi rasmiy kanali — @toshqindaryo’ga a’zo bo‘ling!