O‘zbekistondagi eng yosh vazir o‘rinbosari lavozimidan ozod etildi

Xalq ta’limi vaziri o‘rinbosari Alisher Sa’dullayev boshqa ishga o‘tgani munosabati bilan lavozimidan ozod etilgan. Bu haqda Turon24 xabar berdi.

Nashr manbasining xabariga ko‘ra, Shavkat Mirziyoyev bu haqdagi qarorni 25-oktabr kuni imzolagan.

Aytilishicha, Alisher Sa’dullayev O‘zbekiston yoshlar ittifoqi Markaziy kengashi raisining birinchi o‘rinbosari lavozimiga o‘tishi kutilyapti.

2018-yil avgust oyida sobiq birinchi o‘rinbosar Odil Tojiyev Toshkent viloyati hokimining Yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari lavozimiga tayinlangandi.