Erdo‘g‘on Jamol Qoshiqchini o‘ldirish haqidagi buyruqni kim berganini so‘zlab berdi

Saudiyalik jurnalist Jamol Qoshiqchini o‘ldirish haqidagi buyruq mamlakatning eng yuqori darajadagi rahbariyati tomonidan berilgan. Bu haqda Turkiya prezidenti Rajab Toyyib Erdo‘g‘on ma’lum qildi, deb xabar berdi “Korrespondent.net”.

Erdo‘g‘onning ta’kidlashicha, qirol Salmonning bu qotillikka aloqasi yo‘q.

“Turkiya va Saudiya Arabistoni o‘rtasidagi munosabatlar do‘stona ekanligini qayd etmoqchiman. Muqaddas masjidlar himoyachisi qirol Salmon bir insonni o‘ldirish haqida buyruq berganiga men bir soniya ham ishonmayman. Shuning uchun ushbu qotillik qirollikning rasmiy siyosatini aks ettiradi, deb hisoblamayman”, — deydi Erdo‘g‘on.

Mavzuga doir: Turkiya prokuraturasi Jamol Qoshiqchining o‘ldirilishi tafsilotlarini ma’lum qildi