Namanganda darslarga muntazam qatnashmayotgan 33 nafar kollej o‘quvchisining ota-onasiga jarima qo‘llandi

Namangan shahridagi pedagogika kollejida voyaga yetmaganlar bilan ishlash komissiyasining sayyor sudi bo‘lib o‘tdi. Bu haqda shahar hokimligi axborot xizmati ma’lum qildi.

Mazkur kollejda 33 nafar o‘quvchi darslarga muntazam ravishda qatnashmay kelmoqda. Ularning ota-onalari, guruh rahbarlaridan buning sabablariga izoh berish so‘raldi. Farzandlari ta’lim-tarbiyasiga yetarli darajada e’tibor qaratmagan ota-onalarga tegishli qonun talablariga asosan sayyor sud qarori bilan jarima jazosi qo‘llanildi.

“Oila—mahalla—ta’lim muassasasi” hamkorligini izchil ta’minlamagan “Uchqun” (9 nafar o‘quvchi shu mahalladan), “Yakka sada”, “Gulbog‘” , “Madaniy maorif”, “Sanoat”, “Yangi hayot”, “Yangi yo‘l”, “Oltitosh”, “Kelajak tongi”, “Atangan guzar”, “Sharq tongi”, “Chinor” mahalla fuqarolar yig‘inlari raislari va maslahatchilaridan mas’uliyat talab etildi. “Daryo”ning Telegram’dagi rasmiy kanali — @toshqindaryo’ga a’zo bo‘ling!