AIBA prezidenti G‘ofur Rahimov Toshkentga keldi

Bugun, 6-noyabr sanasida AIBA’ning saylangan yangi prezidenti o‘zbekistonlik G‘ofur Rahimov Toshkentga keldi, deb xabar beradi MOQ matbuot xizmati.

Rahimovni Islom Karimov nomidagi Toshkent xalqaro aeroportida Jismoniy tarbiya va sport vaziri Dilmurod Nabiyev va Milliy olimpiya qo‘mitasi prezidenti Umid Ahmadjonov kutib oldi.

Eslatib o‘tamiz, joriy yilning 2—3-noyabr kunlari Moskva shahrida Xalqaro havaskorlar boks assotsiatsiyasining kongressi bo‘lib o‘tdi. Kongressning ikkinchi kunida o‘tkazilgan saylovda G‘ofur Rahimov AIBA prezidentligi saylandi. U 86 ta ovoz olib, qozog‘istonlik Serik Qo‘noqboyevni ortda qoldirdi.

Ma’lumot uchun, G‘ofur Rahimov endi AIBA prezidenti lavozimida 2022-yilgacha ishlaydi.