Shahram G‘iyosovning 6-jangi sanasi ma’lum, raqib prof ringda 53 ta jang o‘tkazgan

Rio—2016 Olimpiadasi sovrindori, havaskor boksda jahon chempioni Shahram G‘iyosov 24-noyabrda professional boksdagi navbatdagi jangini o‘tkazadi, deb xabar beradi MOQ matbuot xizmati.

Ta’kidlanishicha, o‘zbekistonlik boskchiga meksikalik charm qo‘lqop ustasi Migel Zamudio raqiblik qiladi.

Ma’lumot uchun, Shahram bugungi kungacha professional boksda 5 ta jang o‘tkazgan va ularning barchasida g‘alaba qozongan. 4 ta bahsni u muddatidan oldin yakunlay olgan.

27 yoshli Zamudio esa professional boksda 53 marotaba jang qilishga ulgurgan. Janglarning 41 tasida u g‘alaba qozongan (25 tasi nokaut evaziga). 11 ta jangda esa mag‘lubiyat alamini totib ko‘rgan (9 ta nokaut). Yana bitta jangda esa durang qayd etgan.