Putin va Tramp G20 doirasida uchrashishga kelishib oldi

Rossiya va AQSh prezidentlari Vladimir Putin va Donald Tramp Parijdagi Triumfal arkada Birinchi jahon urushi yakunining yuz yilligiga bag‘ishlab uyushtirilgan marosimda ishtirok etib, o‘zaro muloqot chog‘ida G20 sammiti doirasida uchrashishga kelishib oldi. Bu haqda Rossiya prezidentining rasmiy vakili Dmitriy Peskov bayonot berdi, deb xabar qiladi “Korrespondent.net”.

G20 sammiti Argentina poytaxti Buenos-Ayresda bo‘lib o‘tadi.

Oldinroq Putinning o‘zi ham Tramp bilan uchrashganini, Parijdagi nonushta chog‘ida o‘zaro fikr almashganini aytib o‘tgan edi.