14-dekabrdan Toshkent — Moskva yo‘nalishida yangi poyezd qatnovi yo‘lga qo‘yiladi

350/349 -sonli Toshkent — Moskva yo‘nalishida yangi poyezd qatnovi 2018-yil 14-dekabrdan boshlab yo‘lga qo‘yiladi. Ushbu poyezd Qoraqalpog‘iston stansiyasi orqali harakatlanadi. Bu haqda Spot xabar berdi.

Belgilangan jadvalga ko‘ra yangi Toshkent—Moskva yo‘nalish bo‘yicha qatnovlar haftada bir marta ya’ni har juma amalga oshiriladi.

Shuningdek, 315/316-sonli Toshkent — Yekaterinburg yo‘nalishidagi yo‘lovchi poyezd joriy yilning 8-dekabrdan boshlab Rossiyaning Qozon shahrigacha qatnovni amalga oshiradi.

Poezd belgilagangan jadvalga ko‘ra har shanba kunlari Toshkent Markaziy vokzalidan yo‘lga chiqib, seshanba kuni Qozon shahriga yetib boradi. E’tiborlisi, shu kunning o‘zida yo‘lovchi poyezdi Qozon — Toshkent yo‘nalishi bo‘yicha harakatlanadi.