Farg‘onadagi Davlat xizmatlari markazida milliy haydovchilik guvohnomalarini yangi namunadagisiga almashtirish yo‘lga qo‘yildi

Farg‘ona shahar Davlat xizmatlari markazi tomonidan milliy haydovchilik guvohnomalarini yangi namunadagi haydovchilik guvohnomasiga almashtirish yo‘lga qo‘yildi. Bu haqda “Daryo”ga markaz mutasaddilari ma’lum qildi.

Mazkur xizmat joriy yil 13-noyabrdan boshlab ko‘rsatilmoqda.

Shu paytga qadar Toshkent va Namangan shaharlaridagi Davlat xizmatlari markazlarida milliy haydovchilik guvohnomalari yangi namunadagi haydovchilik guvohnomasiga almashtirib kelinayotgan edi.