Xonanda Manzuraning onasi vafot etdi

“Nihol” mukofoti sovrindori xonanda Manzura Yo‘ldoshevaning oilasi yana bir og‘ir judolikka uchradi, deb xabar berdi “O‘zbekkonsert” davlat muassasasi matbuot xizmati.

Xonandaning onasi Muqita Musayeva bugun 15-noyabr kuni 73 yoshida olamdan o‘tdi.

“O‘zbekkonsert” davlat muassasasi marhumaning oila a’zolari va yaqinlariga, xususan Manzura Yo‘ldoshevaga chuqur ta’ziya izhor qildi.

Ma’lumot uchun, 2018-yil 8-iyul kuni xonandaning otasi Muborak Yo‘ldoshev ham 85 yoshda vafot etgan edi.