Denovdagi bog‘cha tarbiyachisi bolalarga pichoq o‘qtaldi (video)

Ijtimoiy tarmoqlarda va messenjerlerda Surxondaryo viloyati Denov tumanidagi 10-maktabgacha ta’lim muassasasi tarbiyachisi bolalarga pichoq o‘qtalgani aks etgan videoyozuv tarqaldi.

Videoyozuv Surxondaryo viloyatidagi bolalar bog‘chalarining joriy ahvoli haqidagi tanqidiy ko‘rsatuvdan olingan. Ko‘rsatuv qachon, qaysi telekanal orqali efirga chiqqani ma’lum emas.

Videodagi voqea 2016-yilning noyabrida yuz bergan, u bog‘cha xonalariga o‘rnatilgan videokuzatuv kamerasi yordamida yozib olingan. Unda pichoq ushlagan tarbiyachiga uning hamkasblari qarshilik ko‘rsatmayotganiga ham guvoh bo‘lish mumkin.

Pichoq o‘qtalgan tarbiyachiga keyinchalik qanday chora ko‘rilgani ma’lum qilinmagan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!