Rostov-Donda O‘zbekistonning bosh konsulxonasi ochildi

Prezident qarori bilan Rossiyaning Rostov-Don shahrida O‘zbekiston bosh konsulxonasi ochildi. Bu haqda “Huquqiy axborot” kanali ma’lum qildi.

Bosh konsulxona O‘zbekiston fuqarolari hamda yuridik shaxslariga konsullik-huquqiy yordam ko‘rsatadi, shuningdek, mehnat faoliyatini muvofiqlashtiradi hamda mehnat migrantlari bo‘lib turgan davlatda ularning huquq va qonuniy manfaatlarini amalga oshirishlarida ko‘maklashadi.

Shu munosabat bilan Tashqi ishlar vazirligiga mas’ul vazirlik va idoralar bilan birgalikda Rostov-Don shahridagi bosh konsulxonani konsullik-huquqiy yordam ko‘rsatish va mehnat migrantlari masalalari bo‘yicha mutaxassislar bilan to‘ldirish vazifasi topshirildi.