Amerikalik qiz onasining aytganini qildi va 4 mln dollar yutib oldi

AQShning Shimoliy Karolina shtatida yashovchi Shelbi Tripp onasining maslahati tufayli to‘rt million dollarning egasiga aylandi. Bu haqda “Korrespondent.net” xabar berdi.

Qizga onasi qo‘ng‘iroq qilgan va shtatning ta’lim lotereyasida 500 dollar yutib olganini aytgan. Ayolning so‘zlariga ko‘ra, u qizining omadi kelishini sezgan. Shuning uchun ayol Shelbiga lotereya chiptasini sotib olishni tavsiya qilgan.

Qiz onasining gapiga quloq solgan, biroq u hech narsadan umid qilmagan. Tripp uydagi ishlarini qilib bo‘lgach, lahzalik lotereyaning himoya qatlamini o‘chirgan.

Qizning chiptasi yutuqli bo‘lib chqqan va u to‘rt million dollar yutib olgan. Shelbi dastlab ko‘zlariga ishonmagan va ishonch hosil qilish uchun onasini chaqirgan.

Endi qiz onasining uyini ta’mirlatib berishga va uning ipoteka kreditini to‘lashga va’da bermoqda.