Rossiyada vafot etgan ayoldan o‘z dafn marosimi uchun nafaqani olib ketishni so‘rashdi

Rossiyaning Samara viloyatida vafot etgan pensioner ayol Yelena Vasinaga Rossiya Pensiya jamg‘armasi xodimlari o‘z dafn marosimi uchun ijtimoiy nafaqa olishga kelish haqida bildirishnoma yubordi. Bu haqda ayolning kuyovi Nikolay Balikov ma’lum qildi.

Vasina shu yilning mayida vafot etgan, jamg‘armadan xat esa noyabrda kelgan.

Xatda ayolning pasport, sug‘urta raqami, o‘z o‘limi haqidagi guvohnoma bilan nafaqa olish uchun Rossiya pensiya jamg‘armasiga kelishi kerakligi aytiladi.

Hujjatda ayolni 139 rubl 06 tiyin miqdoridagi dafn nafaqasini olish uchun kelishga taklif qilishgan.