Kiyevda hukumat aloqa tarmog‘ining kabeli o‘g‘irlab ketildi

Ukraina poytaxti Kiyev shahrida hukumat aloqa kabelini o‘g‘irlagan uch nafar erkak qo‘lga olindi. Bu haqda “Korrespondent.net” xabar berdi.

Jinoyatchilar o‘g‘irlangan kabelni olib ketayotgan paytda payqab qolingan. Politsiya erkaklarni qo‘lga olgan va tergov-tezkor guruhni chaqirgan.

Erkaklar 79 metr kabelni kesgan va shu tariqa 162 ming griven (5800 dollardan ortiq) miqdorida zarar yetkazgan. Politsiya erkaklarni bunga o‘xshash 16 ta holatni amalga oshirganlikda gumon qilmoqda.