Nukusda xalqaro forum doirasida Janubiy koreyalik yosh futbolchilar bilan o‘rtoqlik uchrashuvi o‘tkaziladi

27-noyabr, seshanba kuni Qoraqalpog‘istonning Nukus shahrida “Orolbo‘yi hududlarida ekologik muhitni yaxshilash masalalari va bu jarayonda koreys diasporasining roli” mavzusida xalqaro forum bo‘lib o‘tmoqda, deb xabar beradi “Daryo” muxbiri.

Ushbu forumda BMTning sobiq bosh kotibi Pan Gi Mun boshchiligidagi Janubiy Koreya delegatsiyasi vakillari qatnashmoqda.

Forum doirasida Janubiy Koreyaning “Chung-Ang University High School” futbol jamoasi qoraqalpog‘istonlik talabalarga qarshi futbol uchrashuvida maydonga tushishi rejalashtirilgan. Ushbu o‘rtoqlik o‘yini soat 14:00 da boshlanadi.

Ma’lumot uchun, 28-noyabr kuni “Chung-Ang University High School” Toshkentda 19 yoshgacha bo‘lgan futbolchilar bilan o‘rtoqlik o‘yini o‘tkazadi.