“O‘zbekiston temir yo‘llari” boshqaruv raisi o‘rinbosari tayinlandi

Hukumat qarori bilan Xayitbay Axmadaliyevich Omonov “O‘zbekiston temir yo‘llari” aksiyadorlik jamiyati boshqaruvi raisining sanoat ishlab chiqarishi masalalari bo‘yicha o‘rinbosari etib tasdiqlandi.

Eslatib o‘tamiz, “O‘zbekiston temir yo‘llari” aksiyadorlik jamiyati xalq xo‘jaligi va aholining temir yo‘l transportida yuk va yo‘lovchilarni tashish ehtiyojlarini to‘la qondirish hamda temir yo‘lning barqaror va xavf-xatarsiz ishlashini ta’minlash maqsadida tashkil etilgan.