Toshkentda qidiruv e’lon qilingan shaxs qo‘lga olindi

2018-yil 4-dekabr kuni soat 23:30 da Mirobod tumanida PPX xodimlari jinoyat sodir etganlikda gumonlanuvchi 41 yoshli B.Sh.ni qo‘lga oldi. Bu haqda Toshkent shahar IIBB xabar bermoqda.

Tekshiruv davomida ma’lum bo‘lishicha, qo‘lga olingan shaxs joriy yilning oktabr oyidan buyon Xorazm viloyatida qidiruvga e’lon qilingan. B.Sh. O‘zbekiston Respublikasi Jinoyat kodeksining 168-moddasida (“Firibgarlik”) qayd etilgan jinoyat sodir etganlikda gumonlanadi. Qo‘lga olingach, B.Sh. Mirobod tumani IIO FMBga topshirildi.