Samarqandda bir guruh bosqinchilar ushlandi

Samarqand viloyatining Qo‘shrobod tumanida shu yil 1-dekabr kuni noma’lum shaxslar yuzlariga niqob kiygan holda Shovona MFYda yashovchi Sh.O.ning uyiga bostirib kirib, uni o‘tkir tig‘li jism bilan qo‘rqitib, yotoqxonasidan “iPhone-5”, “Artel” va “Samsung” mobil telefonlari hamda 1 dona “NR” noutbukini olib, voqea joyidan yashiringan. Bu haqda IIV Jamoatchilik va OAV bilan aloqalar boshqarmasi xabar berdi.

Ko‘rilgan choralar natijasida ushbu jinoyatni Navoiy viloyati yashovchi S.N., hamqishloqlari X.M., F.A., J.Z., Qo‘shrobod tumanida yashovchi D.A. va Narpay tumanida yashovchi B.B.lar sodir etganliklari aniqlanib ushlangan. Ashyoviy dalil sifatida mobil telefonlari olingan. Tergov davom etmoqda.