Rossiyaning S7 Airlines aviakompaniyasi Novosibirskdan Buxoroga reyslarni yo‘lga qo‘ymoqda

Rossiyaning S7 Airlines aviakompaniyasi 2019-yilning 20-martidan Novosibirskdan Buxoroga to‘g‘ridan-to‘g‘ri muntazam reyslarni yo‘lga qo‘ymoqda. Yangi reys chiptalari allaqachon sotuvda bor, deb yozadi “Podrobno.uz”.

Tolmachevo aeroportidan parvozlar chorshanba kunlari amalga oshiriladi. Reys Novosibirskdan 13:10 da parvoz qilib, Buxoroga mahalliy vaqt bilan 14:45 da qo‘nadi. Qarama-qarshi yo‘nalish 16:15 da jo‘nab, Novosibirskga 21:30 da yetib keladi.

Reyslar zamonaviy va qulay Airbus A320 samolyotlarida amalga oshiriladi.