Qoraqalpog‘istonda yuz bergan yong‘in oqibatida bir ayol vafot etdi, uning kelini shifoxonaga yotqizildi

Qoraqalpog‘istonning Beruniy tumanidagi xonadonlardan birida yong‘in yuz berdi. Bu haqda O‘zbekiston Ichki ishlar vazirligi matbuot xizmati xabar bermoqda.

Fuqaro A.Malikovaning uyida elektr simlarning qisqa tutashuvi natijasida yong‘in sodir bo‘lgan. Natijada uning 100 kvadrat metr maydonda tomi, shift qismi va uy jihozlari yonib, zararlangan.

“Yong‘inni o‘chirish vaqtida uy egasinining kuygan holdagi jasadi topilgan hamda kelini kuyish tan jarohati olgan holda shifoxonaga yotqizilgan”, — deyiladi O‘zbekiston IIV axborotida.

“Daryo”ning Telegram’dagi rasmiy kanali — @toshqindaryo’ga a’zo bo‘ling!