Erkinjon Turdimov o‘zining saytini ishga tushirdi

Samarqand viloyati hokimi vazifasini bajaruvchi Erkinjon Turdimov o‘zining saytini tashkil etdi. Bu haqda O‘zA xabar bermoqda.

Shu yil iyul oyida Samarqand viloyatiga rahbar bo‘lib kelgan E.Turdimov aholi bilan bevosita muloqot qilish maqsadida Telegram’da murojaatlarni qabul qilishni boshlagan edi. Dekabr oyigacha shu orqali 3200 ga yaqin murojaat kelib tushib, ularning aksariyati o‘z vaqtida yechim topgan.

Shuningdek, viloyat televideniyesida hokimlar va ularning o‘rinbosarlari, viloyatdagi boshqarma va idoralar rahbarlarining xalq bilan to‘g‘ridan-to‘g‘ri muloqotlarini yo‘lga qo‘ydi. Ushbu ko‘rsatuvlar bir vaqtning o‘zida viloyat hokimining Facebook’dagi sahifasida namoyish etib borilmoqda.

Hokim vazifasini bajaruvchining saytida viloyatdagi yangiliklarni yoritish, xalq fikrining berib borishga e’tibor qaratilgan.