Bosh prokuratura AQSh Gulnora Karimovaga nisbatan sanksiyalarni uzaytirganiga izoh berdi

O‘zbekistonning Birinchi Prezidenti Islom Karimovning qizi Gulnora Karimovaga nisbatan “Magnitskiy qonuni” doirasida sanksiyalarning uzaytirilishi — AQSh hukumatining ishi. Bu haqda O‘zbekiston bosh prokurori o‘rinbosariga asoslanib, Sputnik xabar berdi.

“Sanksion ro‘yxatning uzaytirilishi — faqat AQSh hukumatining ishi”, — deydi O‘zbekiston bosh prokurorining o‘rinbosari Erkin Yo‘ldoshev.

Avvalroq, AQSh Gulnora Karimovaga nisbatan sanksiyalarni uzaytirgani haqida xabar berilgan edi.

Shuningdek, O‘zbekiston bosh prokurori o‘rinbosarining ma’lum qilishicha, Gulnora Karimova sud hukmida ko‘zda tutilgan jazoni O‘zbekiston hududida o‘tamoqda.