Andijon va Toshkent viloyatida ko‘mirdan zaharlanish oqibatida 2 kishi vafot etdi

IIV Jamoatchilik va ommaviy axborot vositalari bilan aloqalar boshqarmasi xabar berishicha, 22-dekabr kuni Toshkent viloyatining Zangiota tumanida yashagan, F.A. (ismli ayol) uyida temir idishga ko‘mir yoqib, nazoratsiz qoldirishi oqibatida ko‘mir isidan zaharlanib, kasalxonaga yotqizilgan va ko‘rsatilgan tibbiy muolajalarga qaramay vafot etgan.

Shuningdek, 22-dekabr kuni Andijon viloyatining Paxtaobod tumanida yashagan, G.T.(ismli ayol) isitish pechiga ko‘mir yoqib, nazoratsiz qoldirishi oqibatida ko‘mir isidan zaharlanib, voqea joyida vafot etgan.

Mazkur holatlar yuzasidan surishtiruv ishlari olib borilmoqda.