Namanganda 3 oylik qizcha onasining e’tiborsizligi sabab kuyib qoldi

Joriy yilning 4-dekabr kuni Namangan viloyatining To‘raqo‘rg‘on tumanida yashovchi M.M. (ismli ayol) uyida qo‘lbola usulda yasalgan isitish pechiga o‘tin yoqib, 3 oylik qizini belanchakka yotqizib, pech oldida nazoratsiz qoldirishi oqibatida yong‘in sodir bo‘lgan, deb xabar berdi IIV Jamoatchilik va ommaviy axborot vositalari bilan aloqalar boshqarmasi.

Ko‘rilgan choralar natijasida yong‘in uy egalari tomonidan o‘chirilgan. Yong‘in oqibatida 3 oylik qizaloq kuyish jarohatlari olib, kasalxonaga yotqizilgan. Surishtiruv ishlari olib borilmoqda.