O‘zbekistonda sanoat tarmoqlari texnik va texnologik jihatdan qayta jihozlanadi

Ishlab chiqarish quvvatlarini modernizatsiya qilish, sanoat tarmoqlarini texnik va texnologik jihatdan qayta jihozlash jarayonini jadallashtirish chora-tadbirlari to‘g‘risidagi Prezident qarori qabul qilindi. Bu haqda “Huquqiy axborot” kanali ma’lum qildi.

Qarorga muvofiq, davlat yoki xo‘jalik boshqaruvi organlari aksiyalar paketlarining investitsiya aktivlarini ishonchli boshqaruvchilarga tanlov asosida 5 yilgacha berish shartlari belgilandi.

Mutasaddi organlar davlatga tegishli aksiyalar paketlarini (ulushlarni) ishonchli boshqaruvga berish tartibi to‘g‘risidagi nizom ishlab chiqib, hukumatga kiritadi.

2019-yil 1-fevraldan olib kiriladigan tovarlarning bojxona rasmiylashtiruvida vakolatli iqtisodiy operatorlar maqomi qo‘llaniladi.

Shuningdek, qaror bilan “Olmaliq KMK” AJ, “O‘zmetkombinat” AJ va “O‘zikkilamchiranglimetall” AJ faoliyatini yanada takomillashtirishga oid “Yo‘l xaritasi” tasdiqlandi.