Malayziya politsiyasi Kim Chon Nam o‘ldirilishida gumon qilingan KXDR fuqarosini qo‘yib yubordi

Malayziya politsiyasi Kuala-Lumpur aeroportida Kim Chon Nam o‘ldirilishida gumon qilingan KXDR fuqarosini qo‘yib yubordi. Bu haqda “TASS” xabar bermoqda. 

47 yoshli Li Chxon Chxol mamlakatdan deportatsiya qilish uchun zarur hujjatlar rasmiylashtiriladigan migratsiya bo‘limiga yetkazilishi kutilmoqda. Prokuratura unga qotillikda ayblov e’lon qilish uchun yetarli asos topolmadi. 

Tekshiruv chog‘ida Li Chxon Chxol Malayziya ishchi vizasini 4 yil avval olgani, biroq ozuqa qo‘shimchalari bilan shug‘ullanadigan kompaniyada ishlamaganligi ma’lum bo‘ldi. U Kuala-Lumpur chetida xotini va xususiy universitetda tahsil oladigan qizi bilan birga istiqomat qilgan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!