1-yanvar kuni O‘zbekistonda 1442 nafar chaqaloq tug‘ildi

2019-yil 1-yanvar kuni 19:00 holatiga ko‘ra, butun O‘zbekiston bo‘yicha 1442 nafar chaqaloq tug‘ildi. Bu haqda Sog‘liqni saqlash vazirligi matbuot xizmati “Daryo”ga ma’lum qildi.

Shundan Samarqand viloyatida 168 ta, Farg‘ona viloyatida 161 ta, Qashqadaryo viloyatida 146 ta bola dunyoga kelgan.

Butun O‘zbekiston bo‘ylab 220 dan oshiq tug‘uruq komplekslari faoliyat ko‘rsatmoqda. Ularda 230 ga yaqin navbatchi akusherlik brigadalari Yangi yilning birinchi kunida 1442 nafar chaqaloqning dunyoga kelishida yordam bergan.

Avvalroq YuNISEF O‘zbekistonda Yangi yilning birinchi kunida 1 228 ga yaqin chaqaloq dunyoga kelishini taxmin qilgan edi.