Qor bo‘roni sababli Turkiyada 750 dan ortiq qishloq tashqi dunyodan uzilib qoldi (foto)

Turkiyada kuchli qor bo‘ronlari sababli 754 ta aholi punkti tashqi dunyodan uzilib qoldi. Bu haqda “Korrespondent.net” xabar berdi.

Asosan kichik qishloqlarga olib boruvchi yo‘llar yopilib qolgan. Mush viloyatida 363 ta aholi punktida transport qatnovi to‘xtagan.

Qor Turkiya sharqida jami 4,5 ming kilometr yo‘lni yopib qo‘ygan. Qor qatlamining qalinligi 30 santimetrni tashkil qilmoqda.

Barcha qor tozalovchi texnikalar bo‘ron oqibatlarini bartaraf etishga jalb qilingan. Turkiyada ob-havoning yanada yomonlashishi kutilmoqda.