Tojikistonlik usta dunyodagi eng katta doirani yasadi

Ko‘loblik 30 yashar musiqiy sozlar ustasi Ginnes rekordlar kitobiga kirishni niyat qilgan. Bu haqda Asia-Plus xabar bermoqda.

Saidnodir Haydarov dunyodagi eng katta doirani yaratish ustida salkam 100 kun ishladi. Uning diametri 1,7 metr, og‘irligi esa 34 kilogramm.

“Bu mening ikkinchi urinishim. O‘tgan yil boshida shogirdlarim bilan diametri 1,5 metrli doira yasagandim. Shundan keyin o‘zimni rekordimni yangilashga qaror qildim va bu o‘lchamni yana 20 santimetrga kattalashtirdim”, — deydi tojikistonlik usta.