Uchtepalik ayol o‘z uyida tiriklayin yonib ketdi, uning qo‘shnisi tutundan zaharlandi

2019-yil 14-yanvar kuni Toshkent shahrining Uchtepa tumanida yashagan Y.P. (ismli ayol)ning uyida yong‘in sodir bo‘lgan. Bu haqda IIVmatbuot xizmati xabar bermoqda.

Oqibatda uydagi 4 kvadrat metr maydonida divan yonib, zarar ko‘rgan va yong‘in o‘chirish vaqtida Y.P.ning kuygan holdagi jasadi topilgan.

Uning uyida mehmonda bo‘lgan qo‘shnisi N.R. (ismli ayol) esa tutundan zaharlanib, kuyish jarohatlari bilan kasalxonaga yotqizilgan.

Ko‘rilgan choralar natijasida yong‘in o‘chirilgan.

Aniqlanishicha yong‘in Y.P. mast holda sigareta chekib, uxlab qolishi oqibatida kelib chiqqan.

Surishtiruv ishlari olib borilmoqda.