Moskvadagi ko‘p qavatli uyda sodir bo‘lgan yong‘in vaqtida ayol 8-qavatdan sakradi

Rossiya Favqulodda vaziyatlar vazirligi xodimlari Moskva sharqida joylashgan 17-uyning ikki kvartirasida sodir bo‘lgan yong‘indan 10 kishini qutqardi. Bu haqda “TASS” xabar bermoqda.

FVV xodimlari ikki xonadondagi yong‘indan avtozina hamda “Feniks” mustaqil nafas olish moslamalari yordamida 10 kishini qutqardi. Yong‘in bartaraf etildi. 8-qavatda yong‘inda qolgan hudud 40 kvadrat metrni, 9-qavatda esa 15 kvadrat metrni tashkil etdi.

FVVning Moskva shahar bosh boshqarmasi matbuot xizmati

Ma’lum qilinishicha, mazkur favqulodda vaziyat natijasida ikki kishi jabrlangan: qutqarilgan bola va 8-qavatdan sakragan ayol. Bolakay tibbiy muassasaga yetkazildi.

Jabrlangan ayol voqea joyi yaqiniga qo‘ngan vertolyotda shifokorlar nazorati ostida 36-shahar klinikasiga olib ketildi. “Daryo”ning Telegram’dagi rasmiy kanali — @toshqindaryo’ga a’zo bo‘ling!