O‘zbekistonlik mas-restlingchi Olesya Gureyeva Shvarsenegger turnirida g‘olib bo‘ldi. Arnolddan selfi
AQShning Ogayo shtatida bir necha yillardan buyon taniqli aktyor va bodibildingchi Arnold Shvarsenegger tomonidan tashkil qilinadigan Arnold Sports Festival sport musobaqasida o‘zbekistonlik sportchilar 2015-yildan buyon ishtirok etib kelmoqda, deb ma’lum qiladi “Olamsport”.
Arnold Sports Festival musobaqasida minglab kuchli polvonlar ishtirok etib, turli sport yo‘nalishlari, asosan, kuch ekstrimi va bodibildingda raqobatlashadi. 2017-yilgi sport festivalida Sergey Trubitsin, Hamza Primov va Shuhrat Alixonov kuch ekstrimi, Olesya Gureyeva esa mas-restling bo‘yicha O‘zbekiston sharafini himoya qilidi.
Olesya Gureyeva o‘z yo‘nalishida barcha raqiblarini mag‘lubiyatga uchratib, turnir g‘olibiga aylandi. Sportchilar shohsupada turgan paytda shaxsan Arnold Shvarseneggerning o‘zi selfi tushdi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!