Yer orbitasidagi kosmik chiqindilar hajmi 7 ming tonnaga yetdi

Yer orbitasi bo‘ylab uchib yurgan chiqindilarning umumiy hajmi yetti ming tonnaga yetdi. Bu haqda “Novaya Gazeta” xabar berdi.

“Kosmik chiqindilar soni bo‘yicha AQSh yetakchilik qilmoqda, ikkinchi o‘rinda esa Rossiya, uchinchi o‘rinda Xitoy. Kosmik chiqindilarning 93 foizi mana shu uch davlatga tegishli. Har yili uning umumiy miqdori to‘rt foizga oshib bormoqda”, — deyiladi xabarda.

Kosmik chiqindi orbitadagi apparatlarning vayron bo‘lishi va o‘zaro to‘qnashuvlaridan, raketalarni tezlashtiradigan bloki va faol bo‘lmagan sun‘iy yo‘ldoshlarning orbitaga tushishidan hosil bo‘lgan.