SpaceX Xalqaro kosmik stansiya tajribalari natijalarini Yerga yetkazdi

Amerikaning SpaceX kompaniyasiga tegishli Dragon kosmik kemasi Yerga muvaffaqiyatli qo‘ndi. U San-Diyego yaqinidagi Kaliforniya janubiy sohilidagi suvga qo‘ndi, deb yozadi “Korrespondent.net”.

Dragon Xalqaro kosmik stansiyadan bir qator ilmiy va laboratoriya materiallarini Yerga yetkazdi.

Eslatib o‘tamiz, bir oy avval boshqarilmaydigan transport kemasi kosmik stansiyaga 2,5 tonnaga yaqin oziq-ovqat va suv yetkazdi. Qaytishda kemaga shunga yaqin miqdordagi tibbiy tadqiqot materiallari va foydalanilgan qurilmalar yuklandi.

Hozirgi paytda XKS bortida uch nafar rossiyalik, ikki amerikalik va fransuzdan iborat ekipaj bor.