Jahon sog‘liqni saqlash tashkiloti emlashdan bosh tortishni insoniyatga global tahdidlar ro‘yxatiga kiritdi

Jahon sog‘liqni saqlash tashkiloti insoniyatga qarshi ommaviy tahdidlarning yangi ro‘yxatini tuzdi, unga birinchi marta emlashdan bosh tortish kiritildi. Tashkilot tomonidan qayd etilishicha, bu tendensiya kasalliklar bilan kurashda emlash tomonidan erishilgan natijalarga tahdid soladi. Bu haqda TJournal xabar berdi.

Bugungi kunda emlash kasalliklarning oldini olish bo‘yicha iqtisodiy jihatdan samarali uslub hisoblanadi va yiliga 2—3 million kishining hayotini qutqarib qoladi.

Ta’kidlanishicha, dunyoda qizamiq bilan kasallanish holatlari 30 foizga ko‘paygan. Buning sabablari esa faqat emlash olishni istamaslik bilan bog‘liq emas. Biroq kasallik tarqalishida asosiy omil emlashdan bosh tortish hisoblanadi.