» » Toshkentda topilgan xazina haqidagi malumotlarning oshkor etilmasligi ortida kim turibdi?

Toshkentda topilgan xazina haqidagi malumotlarning oshkor etilmasligi ortida kim turibdi?


Bir necha kun avval, Toshkent markazidagi eski binolarning yertolasida 80 yil avval yoqolgan va million AQSh dollaridan ortiq qiymatga ega xazina topilgani haqida xabar tarqaldi.

Xorij OAVlari, noyob sanat asarlari, oltin hamda kumush quymalar, oltin, kumush tanga va idishlar, qadimiy suratlar, ikonalar, qimmatli metalldan yasalgan buyumlar Toshkentdagi knyaz Romanov saroyida olib borilgan qidiruv vaqtida bino yertolasida topilgani haqida malum qilishgan.

Avvalari knyaz Romanovning Toshkentdagi saroyi Tashqi ishlar vazirligi tasarrufida bolib, Qabullar uyi sifatida foydalanilgan. Vazirlik matbuot xizmati Daryoga Romanovning saroyi bundan bir yil avval Toshkent shahar hokimiyati balansiga otkazilgani haqida malum qilgan.

Toshkent shahar hokimiyatidagi manbalarimiz Romanovning saroyida hech qanday qidiruv ishlari bajarilmagani, bundan tashqari, qidiruv ishlarini bajarishga ruxsat berilmagani haqida aytmoqda.

Buning ustiga, knyaz Romanovning Toshkentdagi saroyi 1891-yilda qurilgan. Kun.uz nashri esa, xazina 1870-yilda qurilgan xarobaning yertolasidan topilgani haqida xabar qilgan.

Xabarlarda qidiruv ishlari OzFAning tarix va arxeologiya sohasidagi akademik ekspertlar guruhi bilan davom ettirilayotgani malum qilingan. Biroq, Ozbekiston Fanlar akademiyasi Daryoga xazina bilan bogliq bolgan masalalar bilan shugullanmayotganini malum qilgan.

Fanlar akademiyasi bu masala bilan shugullanishmayapti. Hozir malumotni organmoqdamiz, chunki bunday xabar bir yil avval ham bolgandi, deb malum qildi Fanlar akademiyasi matbuot xizmati.

Biz Muzeylar va kutubxonalarni rivojlantirish boshqarmasi rahbari Shahlo Abdullayeva bilan boglanib, topilmalarning aniq soni, nomi va qiymati haqida malumot olishga harakat qildik.

Topilmalar borasida hech qanday aniq malumotlar yoq. Xazina haqida na Fanlar akademiyasi, na Milliy Universitet rahbariyatining xabari bor. Ular aslida borligi ham shubhali. Bir yil avvalgi xabarlar, yana tarqagan bolishi mumkin, dedi Shahlo Abdullayeva.

Toshkent markazida topilgan xazina haqida Milliy universitetning kimyo fakulteti 4-kurs talabasi, Universitet muzeyi ilmiy xodimi Muhammadbobur Yusupov malum qilgan. Biroq, biz Muhammadbobur bilan boglanganimizda, u xazina borasida izoh berishdan bosh tortib, bu masalada yaqin vaqt ichida matbuot anjumani tashkil qilinib, Universitet rasmiylari tomonidan bayonot berilishini malum qilgan.

Topilmalar Milliy universitet muzeyidaligi, bazilari restavratsiya uchun maxsus laboratoriyaga topshirilgani aytilmoqda.

Muzeylar va kutubxonalarni rivojlantirish boshqarmasi rahbari Shahlo Abdullayevaga Milliy universitet muzeyi davlat royxatidan otmagan, uning huquqiy mavqei yoqligini malum qilgan.

Universitet muzeyi davlat royxatidan otmagan. Uning huquqiy mavqei yoq. Muzey deb aytish ham notogri, degan Shahlo Abdullayeva.

Oliy talim vazirligi matbuot xizmati bilan boglaganimizda, mazkur topilmalar boyicha Milliy universitetning Tarix fakultetida maxsus kommisiya tuzilib, tekshiruv xulosalariga kora, universitet rasmiy bayonot bilan chiqishini malum qilgan. Biroq rasmiy bayonot qachon bolishinoaniq.

Norasmiy malumotlarga kora, xazina aslida Milliy Universitetning yertolasidan topilgan. Bu haqda Daryoga universitetdagi manbalari malum qilgan.

Universitet yertolasiga bir million AQSh dollariga baholangan xazina bundan 80 yil avval nomalum sabablarga kora berkitilib, hech qayerda qaydlar qilinmaganligi sabab, unutilgan.

Daryo vaziyatni kuzatishda davom etmoqda.



Manba: Daryo.uz
: admin (23-01-2019, 20:29)
0 (: 0)
. !

!


vote-icon
?

?
( 5) ( 0) ( 4) ( 1)
:
-
:
:
20 ... -