Gernsi politsiyasi Emiliano Salani qidirishda davom etadi
Gernsi orollari politsiyasi bortida argentinalik futbolchi Emiliano Sala bo‘lgan samolyot yo‘qolgan hududda qidiruv-qutqaruv ishlarini qaytadan yo‘lga qo‘yishini ma’lum qildi.
Biz yuqoridan samolyotlarda qirg‘oq bo‘ylab qidirishni boshlaymiz. Qidiruv tadbiri Normand orollari hududida amalga oshiriladi, — deb xabar berildi Gernsi politsiyasining Twitter’dagi rasmiy sahifasida.
21-yanvar, dushanba kuni kechqurun argentinalik hujumchi Emiliano Sala “Nant” klubidagi sobiq jamoadoshlari bilan xayrlashib, “Kardiff” safiga qo‘shilish uchun Buyuk Britaniyaga uchadi.
Samolyot havoga ko‘tarilgandan 1-2 soat o‘tib, Normand orollari hududida radarda ko‘rinish bermay qoladi. Aviahalokat yuz bergani taxmin qilinib, u yerga qidiruv-qutqaruv guruhi yuboriladi. Qidiruv natijasida dengizdan metall qismlari topilgan. Ular samolyotning bo‘laklari bo‘lishi mumkin, deya taxmin qilinmoqda.
Avvalroq u o‘tirgan samolyot “Kardiff” klubiga tegishli ekanligi va u texnik ko‘rikdan o‘tmagan bo‘lgani haqida berildi. Ammo keyinchalik klubning samolyotga hech qanday aloqasi yo‘qligi ma’lum qilindi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Manba: Daryo.uz