Samarqand va Buxoroda “Xavfsiz shahar” loyihalarini amalga oshirish uchun Xitoy investitsiyalari jalb etiladi

Axborot texnologiyalari va kommunikatsiyalarini rivojlantirish vazirligida Volinco korporatsiyasi vitse-prezidenti Ten Chunxuey boshchiligidagi delegatsiya bilan uchrashuv bo‘lib o‘tdi. Bu haqda vazirlik axborot xizmati ma’lum qildi.

Mehmon mazkur korporatsiyaning “Xavfsiz shahar” apparat-dasturiy kompleksini joriy etish loyihasi doirasida O‘zbekiston tomoni bilan munosabatlarni mustahkamlash va rivojlantirishga tayyor ekanini bildirdi.

Suhbat davomida Xitoy investitsiyalarini jalb etgan holda Samarqand va Buxoro shaharlarida mazkur loyihani amalga oshirish yuzasidan mavjud vaziyat hamda istiqboldagi rejalar muhokama qilindi.