Rasman: “Bavariya” hujumchisi Xitoy klubiga o‘tdi

“Bavariya” klubi hujumchisi Sandro Vagner jamoani tark etdi. Bu haqda Myunxen klubining rasmiy saytida xabar berildi.

“Bavariya” klubi futbolchining Xitoy klubi “Tyanszin Teda”ga o‘tganini e’lon qildi.

“Sandro bizga transfer so‘rovini yubordi. U Xitoydan ajoyib taklif tushganini aytdi. Uning shartlariga rozi bo‘ldik.

Myunxenda o‘tkazgan davrlari uchun unga minnatdorchilik bildiramiz va Xitoyda omad tilaymiz”, — dedi “Bavariya” sport direktori Hasan Salihamijich.

Avvalroq xitoyliklar Vagner uchun 5 million yevro taklif qilgandi, ammo “Bavariya” rahbariyati bunga rozi bo‘lmagandi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!