Xames Rodriges “Bavariya”dan ketadi

“Yuventus” hujumchisi Krishtianu Ronaldu “Real” yarim himoyachisi Xames Rodrigesni Turin klubiga ko‘chib o‘tishga ishontirishga harakat qilmoqda. Bu haqda Marca xabar berdi.

1-2 kun avval sobiq jamoadoshlar orasida telefon orqali suhbat bo‘lib o‘tgan.

Xames hozirda 2 yillik ijara asosida “Bavariya”da to‘p surmoqda va mavsum oxirida “Real”ga qaytishi ma’lum bo‘lib ulgurdi.

Eslatib o‘tamiz, joriy mavsum Xames Rodriges 11 ta o‘yinda maydonga tushib, 3 ta gol urdi va 1 ta golga assistentlik qildi.

Avvalroq Ronaldu “Yuventus”da yana bir sobiq jamoadoshi “Real” himoyachisi Marseloni ham ko‘rishni istayotgani haqida xabarlar tarqalgan edi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!