Krishtianu Ronaldu A Seriya rekordini o‘rnatdi

27-yanvar, yakshanba kuni futbol bo‘yicha Italiya chempionatining 21-turida “Yuventus” Rimda “Latsio” bilan kechgan o‘yinda 2:1 hisobida g‘alaba qozondi. Turinliklarga g‘alabaga keltirgan golga portugaliyalik hujmuchi Krishtianu Ronaldu mualliflik qildi.

33 yoshli portugaliyalik futbolchi 1994—1995-yilgi mavsumda 3 ochkolik tizim joriy etilgandan buyon ilk marta A Seriyaning safarda o‘tgan ketma-ket 8 ta uchrashuvda gol urdi va A Seriya rekordini o‘rnatdi.

Eslatib o‘tamiz, Ronaldu A Seriyada joriy mavsum 21 ta uchrashuvda maydonga tushib, 15 ta gol urdi va 6 ta golga assistentlik qildi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!